( ياعشرة عمر غاليه )
ياعشرة عمر غاليه عيني تشوف غيرك ما تقدرشي
ومهما عذبني حبك علي حبك ما اندمشي
وإن طال انتظاري وسهدي ليالي انساك ماتهونشي
مكتوب عليا أحبك واعيش متهني بقربك
وتفضل جوايا اشواقي وما اقدرش اداريها عنك
واستني تجيني وما يطول عليا بعدك
وتطول الليالي ويزيد انشغالي
ويصعب عليا تعذب حالي
وانت يآعمري بعذابي مش داري
واصون عهد الهوي معاك
والفرحه ماتجيني غير وانا وياك
وتوعدني ماراح تنسي يوم عهدك
وتفضل محافظ علي حبي بودك
واشتاق لليالي قربك ووصالك
وما تطول عني أبداً غيابك
وازاي اقدر أنسي ليالينا
وهي كل أحلآمنا وأمانينا
واتمني ماتضيع ثانيه من عمرنا
وتفضل شموع الحب منوره علي طول عشنا
ونندم علي كل ثانيه راحت مننا
وقربنا يعوضنا عن ايام ماضينا
اللي ضاعت قبل مانقابل بعضينا
وتجيني تِفَرَّحّْ عيني واضمك لحضني واسقيك من حناني
واكتر من كده إيه يفرحني بيك تاني
ياريت نقدر نخبي حبنا عن اللايمين
ومانشمت يوم فينا الحاسدين
ونحافظ علي هوانا اللي إتولد جوانا من سنين
وع الحلوه والمره نفضل ع الوفا متعاهدين
وازاي اقدر اوصفلك فرحتي
بعد مابقيت يآحبيبي نصيبي وقسمتي ووجودك معايا نور حياتي ودنيتي
خواطر (اشرف الدغيدي)
حقوق النشر محفوظه
ليست هناك تعليقات:
إرسال تعليق