ببيع مكسور ومتحطم
ببيع مكسور ومتحطم فى عشرة خلق متلطم
لا شاف النور ولا سلم ولا اللى استعمله رمم
ببيع قلبى مين الشارى وياخد جزىء من نارى
يريحنى ما يجرحنى ويتركنى على حالى
اعيش الباقى وحدانى وفكرى من الهموم خالى
ويرحل بيه وينسانى ولتراب القدم اخدم
ببيعه بعد ما تعبنى ولطمنى وعذبنى
وفى هموم البشر خدنى لا فاتنى ولا خلانى
وعاد مجروح يتألم ويشكلى ويتظلم
من اللى حبهم وبعوه ومن الغدر ما قدر يسلم
ببيعه لجل ما ارتاح وعارف ان كله جراح
وهعطى الشارى الف براح يسعر فيه ويتمن
واعيش الباقى وحدانى وفكرى من الهموم خالى
ويرحل بيه وينسانى ولتراب القدم اخدم
- ببيع مكسور ومتحطم
- بقلم محمد البلاط
ليست هناك تعليقات:
إرسال تعليق