انا عمرى ماأكلتك إلا لما طلعت على المعاش علشان مفيش.
دلوقتي ياحلوه بقالك سعر وطلعلك ريش؟
وبقيتى غاليه ومالكيش فايده زي اللي فى النيش؟
ونبص عليكى ونتنح زي اللي شارب حشيش.
طاب بيضه يابيضه وبلاش مكاكية ولا تشويش.
ولا انتى مايهمكيش؟
ونفشتي علينا الريش.؟
وبقينا خلاص حرافيش.؟
بحكومه من الدرويش.
نازله فينا تلطيش..
ومصة دمنا كله.
وبقت زي الخفافيش.
على الكراسي متلمعه بورنيش.
!!!!!!!!!! //////!!!!!!!!!!!!
دا انتى كتكوت بالهرومنات خلوكي فارخه.
وبعد ماكنتى عريانه وواقفه دايخه.
لولا البهارات عليكى
شوربتك بايخه.
ولحمتك ناعمه وسايحه ونايحه.
دلوقتي بقيتي عروسه ولبسوكي الطرحه؟!!!
واتمخطري يابيضه.
في الأيام السوده..
بعد ماكانت شوربتك
عباره عن شوية مايه.
دلوقتي بقيتى فرخه وليكى أهميه.؟!!
روحي يا وليه.
غوري فى داهيه.
////////////////////
ملعون الفقر اللي حوجنا ليكي.
لا وايه دلوقتي بيبيعوا رجليكي!!!
ياختي عليكي.
وعلى حواليكي.
ملعون أبو اللي
حوجنا ليكي..
السعر عدى الستين.
وانتى عمرك أربعين.
وكتكوتك بعشرين..
وكرتونة بيضك بتسعين
ومش عارفين رايحين على فين.ولا فين. ولا فين.!!!!!
اكشف الغمه يارب.
وأعنا أنت المعين.
وخلصنا من الفاسدين.
دي وصلت أكل الرجلين
وأصبح أكلها كمان زين!
بتضيع ألم المفاصل!!!!!!
وتشبع الجعانين!!!!!!!!!!!!!
وأرجوصات فى الإعلام بتهلل.
وسفهاء بيقولوا آمين.
وانت يارب المعين..
انت يارب المعين....
واتمخطري يابيضه.
ع القنوات السوده...
#فوزي_سليم مصر
ليست هناك تعليقات:
إرسال تعليق