شوق الأحبة
-----------------------
شوق كل الأحبة....
مش قد شوقي ليك
جوايا ليك محبة...
حتى اسأل عينيك
الشوق ياحبيبي كبير
والحب اكتر بكتير
نبضاتي دايما تطير....
وتحوم تملي حواليك
الشوق اللى مابينا...
يتحكي بين العشاق
والحب اللى مابيني وبينك
بيفرح قلب المشتاق
قالوا عنا كتير كلام
وصفونا باحلى غرام
ضحكت لنا الايام....
زادت مابينا الأشواق
كلمة احبك اللى قولتيها....
مابنمش منها الليل
قوليها تاني ردديها....
اشفى قلبي العليل
صحيني تاني من الحلم
قولي ان دا مش فيلم
قوليها حقيقة وعلم...
خلى القلب ليكي يميل
حبك قدري وانا قدرك...
والهوى انكتب لينا
وعمري بيكمل بعمرك
والحب بيسعد ليالينا
وعشقنا من صغرنا
بعتته الايام لنا
وبعدت الحزن عننا...
مستكترتش الفرح علينا
------------------
بقلم الشاعر /رمضان عبدالله أحمد
ليست هناك تعليقات:
إرسال تعليق