قصيدة
_______(الديك والفرخة)
___________
كان يامكان.
كان فى زمان.
فرخة وديك،
عايشين ف أمان....
حوالين الديك ياما فراخ.
كلها كان دمها شربات..
يشوفو الديك هات ياصراخ.
لكن للديك كانت مزاجات..
مابيهواش غيرها وليفة.
علشان من جواها نضيفة..
بتعرف أزاى تسعد غيرها.
لما يكون حزين وضميرها..
أبيض مابيعرفش يخون.
لأنه طيب أوى وحنون..
من كلمة بيفرد جناحاته.
ويصيح ويوزع نغماته..
وكمان بيطير م الفرحة.
لما وليفته بتكون طارحه..
ريشها بكل الألوان.
لاجل مايرتاح لو تعبان..
بيعيش ليها دايما صافى،
وبيدلعها ف كل أوان....
مابيقدرش يبعد عنها.
لأنه سندها وبيطمنها..
عايشين قصة حب جميلة.
وما فيش مرة عدت ليلة..
غير والديك حاضن الفرخة.
أصل الديك والفرخة صرخه..
بتعلا كل مانار الحب بتعلا.
لافى كلمة مره ولا شارخه....
ف جدار الحب بتفوت.
و الديك ويا الفرخة كيوت..
متعاهدين لأخر العمر.
مايفرقش مابينهم مر..
راح يتحدوا كل الصعب.
وبإرادتهم مات الرعب..
بقلم/الشاعر.
السيد حسن.
ليست هناك تعليقات:
إرسال تعليق