/////////+++وا فين لعيون+++/////////
وافين لعيون للي كانت
والناس لخيار للي سارت
وعيون للي ف لسان تنطق
وطبيعة بزهارها تفرق
صوت سبوعة في كل مكان
وذياب للي رحلوا من زمان
والدار للي سماوك بيها
كانت بيضا بماليها
سيدي بليوط ناس قديمة
ورجال الزينة و لمدينة
مول المجمر ساكن لبحر
اولية صلاح مانشوف ضر
سيدي محمد بلمير حاضر
والله موجود فينا ناظر
بيضا كبرات صبحت عنوان
ناطق بيها الجاي ولمكان
اعروسة وحديث فوق لكلام
مني ليها ونقدم سلام
لؤلوءة تسلب كل لنظار
وحدايقها تجدب الزوار
ف قلوب كل الناس مضيافة
اخادة شهد وظرافة
وملاعب رياضة اهناك
ديك الزايدة بسمة ف بهاك
امشارع رايدة وتكبر
ومساجد بجهار تكبر
اقصيدة حلوة ياناسي
من شافها يقول طاب نعاسي
معروفة البيضا ولافة
شوفة منها سر لطافة
يافردوس المغرب الباهرة
ف المجد وطريقك ياك ظاهرة
بسمة في تاريخ الانسان
ناسك اسرار ثروة لزمان
يالبيضا ياشوق طهارة
ياقلب المغرب يانوارة
بقلم صقر الحروف الزجال المحجوب بوسبولة
ليست هناك تعليقات:
إرسال تعليق