( ونسيت مين أنا )
ودق قلبي علي باب قلب حبيبي فتحلوا أبوابه
وضموا ضمه هزت كياني وِفرحت وجداني
ولقيت روحي طايره بتقول للنجوم زيدي واتزيني لقلبي وأحبابه
خليك ياقلبي جوه قلب حبيبي ساكن وخليني انسي كنت وحداني
وروح ياخوف من قلبي روح وإنسي يادموع عيوني بلاش تبكيها تاني
وعمري اللي كان بيهون عليا قبل منك معاك امل وأماني
ياريتني طير وليه جناحين آخدك واطير بعيد عن عيون الناس
ياللي سرقت من عيني النوم
وزاد في حبك عليا اللوم
الفكر طير عقلي وسرقت مني الاحساس
مقدرش انساك مقدرشي ياللي هواك للهنا خدني وللنعيم وداني والحزن سابني وهجرني
شوفتك من كام يوم وحبيتك الحب كله ونسيت مين أنا
وحاسس اني عارفك ياروحي من ميت سنه
سيبت الدنيا تاخدنى لقربك
علشان اعيش واتهني جوه حضنك
واعاهدك ياروحي معايا هتنسي كل حزنك
انا ليا مين غيرك انت حبيبي من غيرك أحس بضياع
الدنيا معاك نعيم وهنا ومن غيرك ضنا وأوجاع
وانا وياك شايف الدنيا جناين زهور وحب وحنان
وسامع صوت الطيور نغم ولحن جميل في كل مكان
ياللي صورتك ساكنه في عنيا
وبيحسدوني عليك كل اللي حواليا
نفسي اعيش الف عمر علشانك وبرضوا عليك شويه
حاسس بيك وبلمسة ايديك وبتشوفك عيني حتي وانت بعيد
ومهما تغيب عني وجودك جوايا وعمري ماحسيت اني وحيد
خواطر (أشرف الدغيدي )
حقوق النشر محفوظة
ليست هناك تعليقات:
إرسال تعليق