السجن مش غربتك
السجن جواك
والدنيا لو حربتك
حلمك قوى وقواك
طموحك صبح عنقود
راح تقطفه قطفك
وتقول بعد البعاد راح اعود
العمر راح خطفك
سجين وانت سجانك
والحلم اللى ما تخونه خانك
والصبر اللى بتهونه هانك
وفضلت فى مكانك
بالحلم اللى جواك
بوهمك اللى غواك
بيزن ف ودانك
غريب لكن مستور
واللى اتكتب ف سطور
مقدر وتمنه سنين
قاتل لى اى حنين
وتعيش م الفشل هربان
تقفل ف بابك الخربان
اللى تفتحه زقه
او تكسره دقه
مش قادر تقول لاءه
لضميرك السجان
لحلمك العجان
فضل سنين يعجنك
صدقنى هيجننك
ومش هتلقى دواك
اهرب من السجن اللى جواك .
اهرب من السجن اللى جواك .
اشرف السمان
ليست هناك تعليقات:
إرسال تعليق