مفاجأة عيدة ثورة 30 يونيو
كل عام ومصر دايماً ف نصر وف خير على طول يارب العالمين
قصيدة مصورة بعنوان :. (مصر جوه القلب) كلمات والقاء الأديبة الشاعرة ../
إيمان ذهني
واخراج فنانا الجميل المبدع
وليد المصري 
يارب تعجبكم
__________
بحبك يا مصر
وبعشق ترابك
وديماً ف نصر
وخيرك ف بابك
حروفي بترسم
هوايا ف هواكي
تملي ف حُضنك
وقلبي معاكي
ياشايله همومنا
على جبينك
الله عليكي
وربي يعينك
يارافعة رايتنا
بعزه وكرامه
هقولك بحبك
وعندي الأماره
يا أم التاريخ
و أم الحضارة
تاريخك بيحكي
اصاله وعراقه
ومجدك بيدخل
عل القلب طاقه
حافظنا عليكي
بكل جداره
خرجنا ف يونيو
وقمنا بثورة
رافعنا رايتنا
وقلنا بقوة
يا مصري هقولك
نصيحة اخوه
********
ازاى تعيش من غير ذاتك
دي مصر روحك وحياتك
وفيها اهلك واخواتك
أوع ... أوع ف يوم يجي عدوك
ف ارض بلدك ويذلك
وعن طريقك يضلك
خاليها سترك وظلك
حبها بكل مافيها
وافني حياتك فدا أراضيها
ما انت حميها ،، وانت بانيها
ودمك سال على أراضيها
صون وحدتها
دا انت حياتها
وانت الماضى
وانت الحاضر
والمستقبل
فاكر... فاكر لما هذمت عدوك
كل الكون اتكلم عنك
قالواااا المصري
هايفضل مصري
سابق سنه
وسابق عصره
حقق حلمك
جمع شملك
أوع... أوع ف يوم
حد يهمك
مصر هتبقى
رغم افاعي
مصر دي وطنك
مصر دي امك
مصر بجناحها بتضمك
أوع ف يوم تتخلى عنها
سجل أسمك جوا تاريخها
اكتب فيها مليون قصة
مصر ديوان مليان ميت قصة
ما يخلص تاريخها ف حصه
وصفوها ف كتاب وروايا
مصر بتكبر جيل ورا جيل
وانت يامصري واللا أصيل
وأنت يا مصري واللا أصيل
بحبك يااااااامصر. وبعشق ترابك
إيمان ذهنى
ليست هناك تعليقات:
إرسال تعليق