المشوار طويل
.......................
الجروح بقت كبيره عليك ياقلبي
والظروف الصعبه كتيره وتعبت بدري
ولا حد قالي مالك ولا حتي ايه اللي جرالك
كله مشغول بنفسه وداق الطريق قدامك
كل ما أحاول أميل وأطاطي المشوار طويل
والصحه مش مساعده نفسي في صاحب أصيل
وأحكيله عن موالي وأقوله علي أحوالي
يمكن يشفلي مخرج أرتاح ويهدي بالي
أنا من زمان في أمان أيه غير الأحوال
صبح الزمان تعبان والدنيا شمال ويمين
أنا كنت أسعد واحد والناس كانو بيحسدوني
وكنت دايما ساكت دلوقتي بقو يسمعوني
بشكي وأقول الآه تعبت ياولداه
والشكوي بتبقي مره لو كانت لغير الله
يا رب عني وشيل الهم بقا بالكيل
شفت كتير وقليل والحزن إتصحبت معاه
يافرح فينك فين قرب عليا ولين
مافرحتش من زمان تعالا فرحني يومين
وطيرني زي الطير وبلاش تسبني أسير
أعرف إنك معايا والدنيا لسه بخير
................................................
كلمات االشاعر .. سعد حماد
ليست هناك تعليقات:
إرسال تعليق