بقلم / رفعت أبوكريّم (شاعر الصعيد)
بعنوان {{ وشوشة}} (عاميّة)
*****************
فى مركب الحب
جنب الشط وشوشنى
احكى قصة غرامك
لين كلامك بيدهشنى
نسمة هواك تحيينى
وأنفاسك بتنعشنى
قرّب كمان وكمان
وتعالى أحكيلك
انسى همومك
وادّينى ودنك أغنّيلك
وامسك المجداف
وافرش ع البحر منديلك
يهدّى الموج من شانك
وسعف النخل يهوّيلك
حرّك المجداف
اوعى تخاف نيلك
هو انت ناسى إنك الفارس
وف ساحة العشاق
هبقى أنا خيلك
وهبقى شمعة تمسكها
وتنوّر ظلام ليلك
ليست هناك تعليقات:
إرسال تعليق