ولاء حجازى 
( الشوك)
وانا هعمل ايه ف طريق تعابين مليان ب الشوك
ونوايا الناس دي ولا سالكة و القلب حزين
وهروح انا فين والشوك فتاك والشعر هلاك
واللي بيخاطبوا البشرية قال بني آدمين
أمراض نفسية ومستعصية حقيقي تعبت
مش ذنبي الحلم اللي حلمته أيام وسنين
وخطاوي العمر المحسوبة بتقولي زهقت
والقلب اللي ماليه الخير مخنوق وحزين
وهحارب مين لسه قصادي والعمر مفيش
دخان الماضي والآتي م البني آدمين
يا طريق مفروش مليان ب وشوش
ب تشوفني بتضحك وتداري الغدر سنين
يا عيون طماعة وخداعة وانا قلبي برئ
إحساسي كاشفكم ببراعة حبة شياطين
ابعدوا عن روحي ده أنا قلبي ف الحق جرئ
ولساني حقاني ولا أصاحب يوم الضآلين
وأنا لسة هقابل مين تاني م كفايه حرام
وقلوب حواليا أهي كدابة أشكال وألوان
ولامتي هعافر وأنساني والدنيا كلام
فين فرحة قلبي وايامي ف دنيا الأحزان .. كلماتى ولاء حجازى
ليست هناك تعليقات:
إرسال تعليق