البسكوتة والدحلاب
هي كانت بنت هادية
روحها زي وردة نادية
قلبها بستاان... مودة
كالملاك للرب ساجدة
بالمساعدة إيدها مده
ع اللي جاي واللي عداا
في الحنان ياسمين وفارد
للحزين أو للي... شااارد
في الطباع كات عملة نادرة
باختصار بسكوتة.. غضة
هو كان دحلاب قراري
ذئب شارد في البراري
كان بيظهر طيبة حادة
كان مداري خبث عالي
كان صياد عصافير كناري
شافها بريئة وسط ناسها
والطيابة يا دوب مقاسها
حاك شباكه ابن الأبالسه
للشيطان أقسم ب خسة
للطهارة يكون دنسها
بص ليها بنظرة حانية
قلبها مال لييه ف ثانية
نظرة تانية باهتمام
رفرفت كما الحمام
نظرة تالتة من عنيه
دابت البسكوتة فيه
وبمهارة الدحالبة
وقعت البنت ف شباكه
بالغرام مد السلااام
روحها غرقت بين عنييه
بادلته حب وهيااام
شدها أكتر إليييه
من عفافها داق جرام
حليت اكتر في عنيه
زود العيار... وتقل
ضاعت البنت ف إيديه
و الحكاية توتة... توتة
ماتت الأحلام يا توتة
هدى سيد
ليست هناك تعليقات:
إرسال تعليق