قصيدة.. (مملكتي)
شعر ولاء حجازى
بحبك وأنت مضايق
تشوفنى فجأة تتغير
وبين إيدى تكون رايق
تكون مبسوط ومتحير
جميلة مشاعرك الدافية
وضحكة من عينيك صافية
ولمسة من إيديك شافية
تداوى جراحى بالعافية
حبيبي يا كل مملكتى
أنا حبك ده جننى
أموت لو غبت عن حضنى
ولو مرة تخاصمنى
بحبك حب ف حياتى
مشفتش قبله ولا بعده
وأدوب فيك ياروح روحى
وقلبي تملى على وعده
وكل بجد أحلامي
أعيش بين حضنك الدافي
يا مالك ف الحياة أمرى
يا ساكن كل احساسي
ليست هناك تعليقات:
إرسال تعليق