بقلمي هلال البنا مع
ست بنات
؛،؛،؛،؛،؛،؛،؛؛،؛،؛،؛،؛
كتبوا كتابها من سنوات
وبنات حلوه
واقفه تغني والستات
ولمه و حفله والناس واقفه
وشباب بالأعلام وريات
ناس جدعان في أي حالات
وسط اللمه
نخبه وبدله وكرفتات
عاملين هيصه ومنصات
ومكيروفونات
أكتر من كده من سنوات
كانت لسه الناس صحيين
كله عشان ست الحلوين
ست البنات
بس يا خساره وقتك فات
وفاتت الفرحه مع فرحات
والصاحى بقى زى الأموات
وياريته مات
كله أصبح هس سكات
حتى انتي ياست بنات
شوفي ياحلوه جينا لفين
وارجعنا لأيام بكوات
راحت ناس تحت الرجلين
ناس بقوا فوق أغنيا بشوات
وناس جعانين وعطشانين
يا كلوا ويشربوا بكتريات
واحتمالات
باظت فرحة ست بنات
وبقت الحفله عزا ستات
مع التحيه والسلامات
والجايات غير الريحات
بس تعيش لاتروح ماتجيش
وممكن نفرح في الجيات
يا ست بنات
ولا احتمالات
تاخد العبره من إللي فات
وإللي جرالك من سنوات
آهو عدا وفات
كانت سنين مليانه حجات
وآخرها كورونا
ماشيه بتحصد بالألوفات
وناس وحشونا
مش بنزورهم ولا زارونا
والمحظور واللي خلاص مات
لكن قلبي وست بنات
هتقوم تاني وتلبس تاجها
علشان عارفه مين محتاجها
والدنيا محتاجه إنتاجها
تنزل في المطارات أفواجها
وبواخر ركاب حجاجها
إحتمالات
تفرح تاني ست بنات
زي عروسه ورايحه الكوشه
ولابسه التاج والناس أفواج
وانغنيلها أغاني عروسه
وانقول عاشت لينا محروسه
في احتفلات الست البنات
يمكن ترجع و الناس تفرح
إحتمالات
نبقى زي البني أدمين
زي أيام عدت وسنين
واتعود فرحه بعد سكات
ويغنولها ولاد وبنات
والرجاله والستتات
كتبوا كتابها وعلوا جوابها
ست بنات
نور وزينه واحتفلات
طبل وزمر وعربيات
واحتمالات نعمل حفلات
تيجي النخبه ونعمل نصبه
ومنصات والميكروفنات
علشان نفرح بيها وتفرح
ست بنات
؛؛،،؛؛،،؛؛،،؛؛،،؛؛،،؛؛،،؛؛،،؛؛،،؛؛،،
بقلمي هلال البنا مع
ست بنات
ليست هناك تعليقات:
إرسال تعليق