دى صنعتى
**********
نقاش وشاطر انا فى صنعتى
تلوين القلوب ده مش سكتى
ياما قابلت قلوب...... متلونه
الوانها باهته فى ثانيه تختفى
هاودع ماضى زمان انا عشته
قلبى اتوجع م الماضى ومن عيشته
واقول يابكره تعالى من بدرى
الفرح ساب قلبى يمكن وحشته
طيب هااحاول اخدلى كام ورده
وانسى امبارح وابص للنهارده
وارسم صوره .......كلها الوان
واقابل يومى وبلاش اكون شارده
طيب ممكن اغير فى..... الالوان
ولا اغير حتى ليها الف.. ..مكان
غيرت كله وبرضو........ مانفعش
مش فاضل غير .....اغير العنوان
انا بلصم بايدى فى .... الصوره
وغصب عنى وقعت دى مكسوره
وقلت يمكن يكون لها....... برواز
اتكسرفى قلبى والصوره محفوره
مهما حاولت ..........اغير الصوره
واصلحها الاقيها ...........مكسوره
وقلت احاول تانى......... واحايلها
لازمنى حاوى وبريشه ...مسحوره
مهما رسمت .........وشى بالالوان
مرسومه برضو .......سكه الاحزان
مهما حاولت اغير .......من نفسى
ولا حاولت حتى .....اغير العنوان
نقاش خلاص حسيب دى الصنعه
واشوف لنفسى حاجه تكون نافعه
تعبت من كتر .....مابغير الصوره
وكل ما اغيرها تانى تروح واقعه
نقاش ودهنت ......دنيتى بالبويه
هدت كيانى ........الدنيا بعمايلها
لاشوفت جنبى ...عمى ولااخويا
تعبت من الدنيا ......وانا بحايلها
نقاش وبرسم ........للحياه صوره
واجمل فيها .........بايدى وازينها
خايفه عليها تيجى........ مكسوره
والمايله مين تانى........ هايعدلها
نقاش وبلون وبايدى انا الريشه
وتعبت انا م الدنيا و. . العيشه
هارسم لنفسى...طريق من الاول
واحايل فيها ....يلزمها تحبيشه
نقاش ودايما ........معايا الوانى
ومن دنيتى ........تعبت وبعانى
قلت اغير اللون...... يمكن تتعدل
غيرت لونى زمانى ....... ماهنانى
تقاش وشاطرانا....... فى صنعتى
الرسم بالالوان .........ده حرفتى
الحزن بالنسبالى ... الوانه غامقه
والفرح لونه يكون... بلون فرحتى
نقاش برسم ضحكه على الوشوش
تداوى قلب الحزين من غير رتوش
واقابل يومى كل يوم بوش بشوش
وارسم امانى ... والظلم ما احبوش
***************************
راوية حسن
ليست هناك تعليقات:
إرسال تعليق