(برده بحبك)
____________&
لا أنا درويش .
ولا نبى ولا ولى..
أنا بالعشق مبتلى...
يعنى لو بعدتى عنى؟
بتضربينى ف مقتلى!!!
مش ذنبى إن أنا حبيتك.
ما انتى كمان مش قديسه؟؟
كانت صدفه لما لاقيتك..
ليه عملاها حكاية عويصه؟؟؟
أصل القلب لما يحب
بيصبح لييه الحب فريسه!!!
ولما الروح بتقابل روحها.
لتنين مع بعض بيبقوا هريسه!!!!
والحب بيبقى نار قايده.
وعمر السلعة ما تبقى رخيصه.....
أما انتى بخيله قوى ف حبك.
مرة تلاغى ومرة خبيثه!!!!!
مش عوزانى أفهم إنك،
دبتى ف قلبى بقيتى بسيسه!!!!!!
بس أقولك برده بحبك.
مهما تدارى ومهما تخبى..
والكلمة المحبوسه ف قلبك.
بعينى شايفها حاسسها بقلبى...
باينه ف صوتك وف نظراتك.
والعاشقه للعشق تلبى....
فاانا مش حاخد من حوراتك.
وحصدق قلبى وعقلى.
علشان قالوا إنك دايبه.
بعد ماكنتى حالفه وتايبه..
وقلتى ماعدتش أعشق تانى.
روحك راحت منك سايبه!!!!
ومسكت فييا تترجانى..
بقلم/شاعر العامية.
####№№
السبد حسن السيد.
ليست هناك تعليقات:
إرسال تعليق