اكتب يا قلم ... للشاعرة .. ماجدة البهيدي

ست الكل

اكتب يا قلم
=========
أكتب يا قلم
عن حبي اللى اتظلم
على القلب اللى اتكسر
عن العمر الي راح هدر
وعن ظلم الحياة
على مر والف اااااه
اكتب عن الليالي
تشكيلك مر حالي
عن ناس لبسه وش
عن كل حاجه غش
عن ناس زي الوحوش
في آلحب ميفهموش
بيبيعو ما يشتروش
للعيش ما يصنوش
اكتب يا قلم
عن واحد مرة خان
عن قلب مالوش أمان
اكتب عن حب ضاع
عن قلب راح و باع
عن ناس عامله غلابة
وهما زى الديابة
ومعاك فيهم طيابة
ووراك دول جوه غابة
اكتب عن ناس اصيله
في همك شايلة شيله
وفي فرحك كل ليلة
معاك في حلوك ومرك
وعمرها ما تشكى مرك
اكتب عن قلب صافي
اكتب عن حضن دافئ
مليان حب وحنان
اكتب عن ناس جميلة
من بتوع ناس زمان
اكتب عن عشره حلوة
عن الاهل و الجيران
اكتب يا قلم
اكتب عن ناس اصيله
وقت الشدة بتبان
ناس متعرفش الخيانة
معهم هتعيش في امان
من كل قلبي ليهم
تحية وامتنان

2020 /30/3
:
#ماجدة_البهيدي
:

أعجبني

تعليقمشاركة

التعليقات

اكتب تعليقًا...