للجنة مطلوب -------------------------بقلمي/ رمضان عبدالله أحمد

مستر رمضان عبدلله

للجنة مطلوب
-------------------------
الرحم ...من اسم الله
يلا معانا .......نوصلها
تلاقيهم ..لو قولت الآه
فروض علينا ونعملها

اتواصل هتكون محبوب
للجنة هتكون مطلوب
يشاوروا ويقولوا عليك
ابو قلب صافي وطيوب
لما مع رحمك تتواصل
هتعيش متهني بحياتك
لرضا الله هتكون واصل
ترتاح والله في مماتك
البركة ف تواصلنا تزيد
وحياتنا هتبقى يوم عيد
لو نتواصل مع ارحامنا
الحب هيفضل بينا شديد
عايزك تسأل على عمك
واتواصل دايما باولاده
دولا ياولدي من دمك
واولادك هيكونوا احفاده
لو بتحب البركة لرزقك
لو عايز يُنسَأ فى اثرك
اسمع يابني لسيدنا النبي
واتواصل يلا مع رحمك
------------
بقلمي/ رمضان عبدالله أحمد

٢