عيدى هو هو*****عاطف صلاح#

العيد دلوقتي والعيد زمان،،،كل عام وانتم بكل خير
عيدى هو هو*****
----------------------
هليت يايوم العيد-----هليت يا أجمل عيد.... يارب سعد جديد.... فررح قلوبنا بيه___

واسعد قلوبنا كمان وكمان.. زى م فرحنا زمان.. اصل عيدنا بتاع زمان كنا نتشووق أليه_____
لما أمى كت تاخدني... تجيب هدومي اللي تناسبني... كنت اشيلها جوه حضنى.. وابويا يقول ل امي سيبيه_____
كنت بركب بسكلته.. كنا بنروح كل حته.. كنت الف بالكارته اللفه كانت بالجنيه_.
كانت الفرحه ف عيدى.. إن اروح لحد سيدى.. واما ابوسو وامد إيدي.. يروح مدينى كام جنيه____
وعمى بيعييد عليا.. وخالتى تدينى العيديه.. وابويا كان هو اللي ليا.. كنت بعشق نور عينيه____
لفت الأيام عليا.. والسعاده هيه هيه... الوضع اتغيير شويه.. بس مين الدور عليه___
السعاده بقت ف عيدى... لما بيجيلي حفيدى.. يجري ينط يحب إيدى.. أبوسو وأطبطب عليه--------
أخدو ونروح المصلي... قلبي رفرف لما صلي..
صلينا والخلق صلي..
ستو سألتني عليه____
جالها جرى عشان يشوف..
سلخ ودبيح الخروف..
قالي ياجدو وكان بخوف..
كنت عايز اركب عليه___
خدت١/٣ اللحمه ليا
والتانى للغالي عليا
والأخير لفقير هديه ربنا يكرمنا بيه------------
خدنا بعض للجيران...
نسأل علي جارنا فلان....
م احنا حبايب من زمان...
د النبي وصا عليه___:____
عيدنا اللي احنا كنا فيه..
مهما عدا زمان عليه..
شبهه زي اللى احنا فيه..
بس مع فرق الجنيه________
عاطف صلاح#

١