مناجاة .. أم .. بقلم .. سمير محمود

ولو هوصف جمالك وصف
تتوه الكلمة فى لساني
يموت الحرف
ولا كلمة توفيكِ
ولا عمري يكفيكِ
جايز حضني يدفيكِ
وجايز يتمنع م الصرف
............
جمايلك مستحيل تتعد
من امبارح لمليون غد
ولو عمري يطول يمتد
هواك ف قلبي نقطة ضعف
.............
على نفسك كتير جيتي
وكبرتي وربيتي
ولا ضعفتِ ومليتي
ولا نبعك نضب أو جف
................
شربت الحب من يدك
وعمري شاب علي نبضك
ومش ناكر انا فضلك
ولا حاطك فى اخر الصف
............
بدونك كل شىء ناقص
ومش عايش ولا حاسس
ولا طايل ولا لامس
وخاطفاني همومي خطف
#سميرمحمود

١