المجنون ( عاميه مصريه ) امال بدر

المجنون ( عاميه مصريه )
صِعب علينا. حاله
قولنا. نسأل. عليه

ونعرف. إيه. جراله
ونقف سوا حواليه
لقيناه بيقول. كلام
ومش عارف معانيه
قولناله إتجننت
قال وعاجبنى. جنانى
وفرحان قوى انا بيه
إبعدوا بس انتوا عنى
وسيبونى. اتهنى بيه
وأجيب. ربابه وأغنى
للزمن أنسى بلاويه
الجد. ياناس. تعبنى
طول عمرى عايش فيه
وجع قلبى. ودماغى
ولا خير. فيه. بلاقيه
لكن. الجنان. محلاه
سيبونى. اتمتع. بيه
اعمل كل اللى انا عايزه
ولا شئ فيها ابكى عليه
افرح. اضحك استهبل
واضرب دنيتى بالجزمة
لا لوم. ولا عتب الاقيه
قولولى. بقى. والنبى
أخدت م. العقل. إيه
روحوا إبعدوا سيبونى
بجنانى سعيد انا. بيه
امال بدر

١