عارفك يا حلم ..! الشاعر .. حسن السحماوى

عارفك يا حلم ..!
عارفك يا حلم وباعرفك من وسط مين
وكتير باشوفك وافهمك .. ودا من سنين
مش قلت لك ..
ممدود بطول الكلمة فى عروق سكتك ..
بافهم معالم خطوتك ..
أنا ااصلى فرع فى ضل شجرة ..
مفرود على جبينك حنين
طب ااقول لمين ..!
بركان عواطفك .. إنصهار
لو فى السما نجمك .. اكون لك ..
شمس طالعه .. فى صبح من ذات النهار
عارفك يا حلم ..
لما المطر يفرد عليك ..
ويزوق الكحله فى عنيك
ويخضر الأرض بزهورك ترتوى
بنبض الحنين .. تطرح مابين الشفتين
ضحكاية .. فاردة بالأمل عالضفتين
انا اصلى حاسك .. من دون البشر ..
وشمك على خد .. القمر
أصلك فى حبك .. مابتغوى السهر ..!
كوكب فؤادك ينحنى .. ميت الف ميل ..
مجروح وبيشدك وتر ..
طب ااقول لمين ..!
شطك بعيد عنى وموجك شهق
لهفة حروفك تسحبك ..
على صبر دوبنى سنين
وتسبنى أنا فى موج الغرق
عطشان أنا فى بحرك حزين ..
أنا ااصلى كاتبك .. حبر فارد ع الورق ..
من ااصل صورتك .. لما بروازك شهق
فرفط حنينى .. حب متملك زهق
وف كل يوم
فاهم ملامحك بارسمك ..
حلمى الكبير ..
والخطوة منك زلزلت ..
قلبى اليتيم ..
مابقتش عارف سكتى
من سكتك ..
وانا أبقى مين ..!
شعر ................. فارس الكلمة
حسن السحماوى ..

١ تعليق

١