لسه باقى ...! بقلم .. بتول العتربى

القصة ما كملتش
وكلامى ليك ماخلصش
ياهوايا وزادى
سكنى وزوادى
إن قلت شئ عادى
أبقى صحيح ما أنكرش

توب الهوى ليه
أكسيه بعنيه
وأطويه بايديه
محتاجة حنية
وانت تقول ما أسألش
رايح لفين يا جار
غرقان فى موج أنهار
وإن كنت م الشطار
جدف لحد الدار
باب الحياة ما قفلش
عدى الخطوط عدى
وان جاى هنا هدى
طلب الحبيب ودى
وان كان كدا بيدى
أجرى عليه ولا أخافش
سهر القمر لينا
يسمع غناوينا
نشكى يداوينا
بالحب يسقينا
واحنا ندوب ما نبنش
بتول العتربى