ﻻء ___ مش أنا ... كلماتى / الشاعر المهاجر . إبراهيم النشيلى

Ibrahim Elnsheeli

‏

ﻻء ___ مش أنا
مش أنا اللى أقول ﻻء
لما ف يوم تنادينى

مش انا اللى أبعد وانسى
وانتى صورتك هى عينى
مش انا اللى لحظة احزن
لو تحزنى
أحط خدى على أيدى
انا حالف يمين الله ﻷنتقم
م اللى خان واللى باع و غدر
واللى يعاديكى
انا الشاب اللى شاب
لما شوفت الدمع يوم فى عينيكى
بتصرخى تقولى ولدى شهبدى
ضحى بروحه وفراقه بيكويكى
حلفت يمين الله
لطيب الجرح وافديكى
لروح له جنته رافع علمك بايدى
العلم غزلته امى بدمى وبياض تاريخك
وبسواد الطينة السمرا نيلك رسم جبينك
حاتغطى بيه يآمه وانا ماشى وحاسيبك
شهيد وبعده مية شهيد بيزوقوا بدمهم
أفراح سنين جاية ليوم عيدك
انا ابن الشهيد اللى مات
وهو بيحفر القناة
ابن طيبة الطيبة
ابن سينا عهد اﻻنبياء
موسى تنباء فيها
وعيسى عليه السﻻم
ومحمد أوصى بيها
فيها رجال سند لينا
فى المحن واللى يعاديكى
انا الضحكة اناالبسمه
انا الفرحة اللى ف عينيكى
لما تشوفينى بحبى وأكبر
واديكى روحى هدية تفديكى
مش انا اللى عايز اعيش
وانتى فى هم ومحن
انا علشان أعيش
اعيش على آمل
تكونى يامصر أم الدنيا
حلم اجدادى واجيال جاية
والفرحة تمﻵ عينيكى
والكل يبقى حواليكى
ويبقى دا يوم عيدى
ازاى حاقول ﻻء لما تنادينى
تحيااااااااااااااااااااااامصر
كلماتى / الشاعر المهاجر
. إبراهيم النشيلى