آسفة أنا منك باعتذر ...! بقلم .. بتول عبد المعز ..

آسفة أنا منك باعتذر
دنيتك غير دنيتى
ياحب داب من غير عتاب
كله سرا
مالقتش منك الأمان
طب واللى كان
جوه فى قلبى اتحسب
قصة ويحكيها الزمان
علقت قلبى فى الفراغ
وديته لحبال الأمل
عشت فى حياة غير الحياة
وكان ضياها مكتمل
كان كل همى أسمعك وأمتعك
بكلام جميل حب وغزل
لما إنت منى اكتفيت
قمت التقيت
الحب ضايع م الأزل
وكلامنا كان لك يختزل
دنيتك تبقى فى طريقها
سكة تانية غير سكتى
ولما ح تفهم قصتى
تعرف بإنى
كنت الأمان كنت الحنان
وإن اللى كان
فرق ما بينا من زمان
وخلاص
ح أرضى بنصيبى وقسمتى
وأرجع طريقى اللى فته فى دنيتى
عشان لقيت
دنيتك غير دنيتى
#بتول عبد المعز