وحشتني ....بقلم / اشرف شحاته سليم

وحشتني
.................
وحشتني وحشني جمالها
وطيفها دايما على بالى
نايم أنا أحلم بيها
ربك كريم باعتها لي
جات ع السرير نامت جنبي
وفي حضنها نمت يا غالي
دى حضنها أصله حنين
انا عشت جواه مداري
سألتني ايه غير حالي
حزين ومهموم طوالي
وقلبي بالهم مكوم
والضحك بقى تمنه غالي
ودنيتي ضاقت بيه
بتشيل وبتحط عليا
وفي الرحايا انا مطحون
قالت لي عيني عليك يا بني
ارمي بهمك تعاللي
اسمع يا بني قول أمك
وسيبك يا بني من همك
اعمل الخير يا بني تملي
ذكي يا بني
صلي صوم
وان سمعت الفجر يدن
سيب سريرك
يا بني قوم
اوعى يا بني
لغيرك تظلم
اصل ربك
يا بني عالم
مين الظالم
ومين المظلوم
اصل ربك يا بني كريم
قلت يامه ذيدني تاني
دى انتي كلامك معاني
قالت لي يا بني
راح اعيدها واذيدها تاني
ابني ياضانيا ولادك
قبل ماتبني لهم بيوت
هما سندك
هما ذكراك لما تموت
اوعى يا بني م النميمة
اوعى تأكل حرام
خلي ميزانك
يا بني وافي
اوعى تسرق في الميزان
قلت لها ذيديني كمان
قالت كفاية النهارده
دى جه وقت الأدان
وصحيت م النوم بفرحة
شفت أمي
لبسة فستان وطرحة
كانوا هدية مني ليها
في عيدها
واللي فاكره كان زمان
نفسي ترجع واهاديها
ومن حلاوة
حلمي بيها
نفسي ارجع
تاني أنام
بقلم / اشرف شحاته سليم

أعجبني

تعليقمشاركة