بتحملينى بتقلك ووزنك يزيد أحمال
أنا الوليد اللى عدى فوق خط القنال
يفدى بروحه أمرك متزينة بأفعال
يهدى جروحه شهدك ينسال على الرمال
وأنا إيه أقدر أقول لو فيه كلام يتقال
عاشق تراب الوطن ما بين سهول وتلال
عين الحياة بتعشقك كل ما فيكى جمال
يازينةاسمك ورسمك مايقدروه بالمال
سبحانه هو اللى بدعك ما أروعه المثال
إن قلت عنك تاريخ ما يكفنيش موال
وإن تهتى عن سكتك تلقى رجال أبطال
بيزودوا عن عفتك بالغالى يمحو محال
يتعلم اللى نشأ أجيال ورا أجيال
إن البلد دى شرف يتصان ولو أطلال
وإن كان شهيد يتكتب عند العلى المتعال
أقدر أقول إيه بأه أو أختمه بسؤال
يفيد معنى الكلام ويزيد عليه أقوال
#بتول عبد المعز
ليست هناك تعليقات:
إرسال تعليق