حواطر أدبية .. بقلم .. فريال العطيوي

شغلات لازم تستوعبها !!
1 - صديق الكل وحيد
2- اللي فاهم الحب بكل تفاصيلو ، مش مرتبط
3- كلام الناس كلو غلط ، طالما مش طالع من أمك أو أبوك
4- انجح العلاقات اخفاها
5_ اللي ما يتعدل بيتبدل
6_ الأمل بهالوقت متل التليفون الأرضي ، ما الو لزوم بس لازم يكون موجود
7- إذا ما عرفت تكون بنادول ، حاول ما تكون صداع .
8- إنت مو محور الكون مهما كنت مشهور أو شغلة كبيرة
9- مو كل اللي بيضحك بوجهك بيحبك، ولا كل إلي بيمرق من جنبك من دون ما يسلم عليك بيكرهك .
10- مو شرط الناس تزقفلك مشان تكمل الشي اللي عم تعملو .. لو بتحبو كمِّل فيه حتى لو ما حدا عطاك إهتمام أصلاً .
11- عيش حياتك أنت ، ما تقلد أي حدا مهما كانت درجة نجاحو.
12- ما تفكر تعيش متل بطل فيلم ، لأنو هو قصة مكتوبة مُصممة لحتى تعجب كل الناس .
13- أول ما تبدا بالمشي ، طريقك رح يبين ، المهم تبدا💛
14- على قدر العشم يأتي الخازوق .😂
15 - ما تحاول تختبر قيمتك عند حد لأنه ما دام وصلك لهون انت ما بتعنيله اشي .
16- بحياتك لا تعلق روحك بحدا ، مين ما كان .
17- كل شي رح يمرق ، بس و هو عم يمرق رح يترك شوية شغلات ما بتمرق .
18- حاول تحافظ على حلاوة البدايات أطول فترة ممكنة .
19- السمك الميت بيمشي مع التيار ، و السمك العايش بس هو إللي بيختار طريقو .
20- ما تسحب حدا من حياتو ، لو مش ناوي تضل ماسك فيه بسنانك .
21- كل واحد فينا جواتو قصة غيرتو و من ساعتها و هو موش عارف يرجع طبيعي متل ما كان .💔
22- كل شي بالدنيا الو تمن لازم يندفع ، مشان هيك لازم تكون عارف انك بتستغني عن شو كرمال شو ، مشان تمنك مايكون غالي ويندمك
23- اتعلم الإنسحاب مرة ،و رح تصير عندك عادة .
24- السن لما عصبو يموت مستحيل يرجع يلمع عليك .. عامل الناس كلها بالأسلوب هاد .
25- كل مشكلة و إلها أكلة. 🙂
26- مشاكلك لو طلعت برا قلبك و حكيتها، بتكون عم تزود عليهم وحدة كمان .
27-شوية الشوي اللي ضالين عندك، حافظ عليهم ، هدول راس مالك بالدنيا
28- ‏عمرك بالهوية غير عمرك بالمراية غير عمرك مع حدا بتحبو غير عمرك و أنت فرحان غير عمرك و أنت زعلان ، جوات عمرك عمر تاني .
29- الحرام قبل العيب ، و ربك قبل الناس."
30 - ((الاهم)) خلّي ببالك ،إنه الشخص اللي حطّمك مستحيل يكون علاجك 💔💔💔💔
31- الوقعة الاولى بتكون غصبن عنك ، اي وقعة بعد هيك بتكون انت اخترتها بكامل ارادتك .

أعجبني

تعليقمشاركة