لو كان
لوكان الهوا باسمِك ونسيم البحر ليك
و الورد فاتح حضنه وكل العطر فيك
أنا والله ما أحبك لو الغرور لعب بيك
صاحبك من أهلك وليـل ونهار بناديك
وأنا زارع أشواق الهوا بالقلب يداويك
وبلحن وبعرف كلام الحب في أغانيك
أجمع أشواق العشاق و أهديها لعينيك
وأبوح بسر الليالي وأحكي عن أمانيك
العشق جنة مخلوقة يا حب بين إيديك
وكل حروف الغزل ساكنة في حواريك
داحتى سواقي الأحباب ليها عشم فيك
والقلب ما بينكسر يوم من قرب معاليك
والحكاية حكاية شوق بيجري حواليك
و هيفضل نجم المحبة سهران يناديك
ولو كان الهوا باسمك ونسيم البحر ليك
أناكنت أزرع العمر كله وردة بين إيديك
الشاعر /إبراهيم شبل
ليست هناك تعليقات:
إرسال تعليق