اغضب
اغضب كما الفيضان
اكسر حدود الجوع
كحل عينيك بالحزن
واروِ خدودها دموع
وازرع هنا شجرة
واكتب عليها افرح
يمكن فى يوم تطرح
ويقولوا لينا رجوع
اغضب كما البركان
ارمي حمم ونيران
احرق سنين الخوف
ولّا مفيش غليااااان
والنخوة كانت موضة
ويّا الكرامة زمان
دفنوها تحت جدار
مالوش ياناس عنوان
اغضب ولو مرة
أصل الخضوع ذلة
عيشة ياناس مُرّة
لادين ولا مِلة
عاوزين يبيعوا الحُرّة
والكل بقوا تُجّار
اجمع على الصفين
مش ألف ولا ألفين
والله لو إعصار
ما يهزم الأمة
اغضب كما الأنوار
على ليل مالوهش نهار
واسحب خيوط الفجر
واكتب معاها قرار
أنا راجع ودا إقرار
اعلنها دي مش أسرار
يمكن في يوم تشفي
قلبي اللي بيك موجوع
بقلمي /سلوى زافون
ليست هناك تعليقات:
إرسال تعليق