قصص الأنبياء......
للزجال حج هلال......
لبيك اللهم لبيك
........................
أطول قصة في القرآن
قصة موسى بن عمران
فرعون يحلم حلم كابوس
طفل هاييجي عليه ويدوس
وتروح هيبته ويزول ملكه
وقاله هامان دكلام مدروس
قالوا بنات نسيبها تعيش
و الأولاد كلها هتموت
وبعد القتل و الجبروت
رجعوا زقالوا كلام أحلام
ولازم نسيب منهم خدام
مش هانلاقي ناس تخدمنا
ولا عمال تعمل مصالحنا
نقتل عام وانسيبهم عام
ويكابد زوجة عمران
حملت عام قتل الولدان
بعد ما وضعت موسى سمعت
أمه هاتف وحي كلام
لو مش خايفه عليه رضعيه
ولو بتخافي عليه حطيه
صندوق وفي البحر ارميه
سمعوا أمر الله ورموه
فوق المية ويمشي شويه
قوم فرعون وخدمه خدوه
دخل القصر وفرحوا بيه
وقال فرعون ومراته هاتوه
ٱسيه أمه وانا أبوه
وجابوا أمه واخته معاه
يرضع من أمه ويتمتع
وكل ما يكبر يفهم يسمع
التوحيد والخالق الله
وكبر موسى في بيت فرعون
وامه واخته ويا هارون
وفكر في اللي خلق الكون
وامنت آسيا مرات فرعون
وأخوها طيب وحنون
ماشي موسى بره في يوم
لقي مشكلة مابين شخصين
يمنع واحد مش كان قاصد
مات من وكذه من صبعين
وجاله راجل بخبر عاجل
مؤمن كان بين الفراعين
وقاله سمعت ملأ فرعون
ناويين قتلك مهما يكون
يطلع موسى وهو حزين
راح على مدين قال ياكريم
و نستكمل في المره الجايه
سيدنا شعيب والد البنتين
..... ... ..... .......
ندعي الله رب العالمين
ينصر غزة و فلسطين
ونحررها و نعمرها
وتعود ويا المسلمين
...............
وللحديث بقيه
مع الزجال حج هلال
ليست هناك تعليقات:
إرسال تعليق