كبرتي يا بت
كبرتي خلاص
كسا الابيض في رمش و راس
ما عادش يفيد حلق و لا كحل
و لا عمر ... يتحسب احساس
هربتي من المرايه كتير
مصره تكوني زي الطير
و لسه بتحلمي بحبيب
و صفحه جديده في الكراس
خلاص قلمك يا ستي رصاص
يقولوا كبرتي - محتجه
و عامله صغيره و سازجه
و لو ينادوكي بـ ( الحاجه )
تقولي ما عندهم احساس
و تفضلي تشتمي في الناس
رفضتي و قلتي مش عايزه
و ع المرايات - اكيـــــــد بايظه
يا ستي العمر مش جايزه
فـ خليكي هنا و خلاص
..
بلاش تتشـــــــــــدي( له ) بـ حماس
لان خلاص
كبرتي خلاص 
ليست هناك تعليقات:
إرسال تعليق