أنا اهلى علمونى لما أغلط أعتذر
قالولى بلاش تغلس وبلاش تكون رذل
طيب وأصلى عارفه حرير بيتغزل
عمر شوفت فقير بأخلاقه نزل
كلمة حقك عليا بتطفى النار بميه
أقولها من عينيا والعذر يتقبل
فانية الدنيا ديه وانا منها حذر
مهما ييجوا عليا ويزيدوا فى القاسية
أقابلهم بالحنية الكبر شييء قذر
مادمت انا غلطان مش عيب لما أعتذر
واقفل باب الشيطان والشر أختصر
عمرى ماكنت جبان فى الحق أتحشر
لابسخن ولابتزق وبكره الكشر
حن واصفح ورق لو جالك معتذر
اوعاك تقوله لاااااء وبقيمك تنحدر
....... حسنى أمين .......
ليست هناك تعليقات:
إرسال تعليق