(من جرحك سنين بتألم)
لو كنت فاكر لما أحبك وانت تنساني
هفضل احبك تبقي غلطان وأناني
ولو كنت فاكر اشتياقي ليك هيفضل شاغلني وانت بتقسي عليا
تبقي عمرك ماعرفت معني الحب ولا الحنيه
ولو كان بُعدَك هيلوعني
وغيابك هيعذبني وقسوتك بتجرحني
مش هاتحمل تاني غصبٍ عني
ومن النهارده مش هتشوف طيبه تاني مني
ياما كنت أتحمل وانت تتعمِّد تِقسى وتجرح فيا
خلاص قسوتك عليا علمت قلبي القسيه
بعد مانسيت عهدك ليا تفرحني وتغرّقني في بحر حنيه
ً
ياريتك ياحبيبي تبعد طيفك عني
وما تخليه تاني يشغلني
وسيبني ياحبيبي في حالي
يمكن اقدر أنسي هواك اللي شاغل بالي
وكفايه عليا سهر الليالي
ونار الشوق كوياني
ياحبيبي من جرحك سنين بتألم
وانت بتقسي عليا واعاتبك لا بتلين ولا بتتعلم
لايوم قلبك حن عليا واعاتبك ماتسأل فيا
وعلي طول مش فاكرني وناسيني
وماهان عليك يوم علي ظلمك ليا تواسيني
خواطر (اشرف الدغيدي)
حقوق النشر محفوظه
ليست هناك تعليقات:
إرسال تعليق