بكره يجي الدور عليا اعذبك
وقتها هتهون عليا وهاتعبك
بكره يجي مافيش كلام
حرب من بعد السلام
ياما حذرتك كتير
وانت قولت اكيد كلام
بكره يجي مش هارحمك
هاحكم عليك وهاغرمك
واوعدك تدفع كتير
وبكل قوة هاخصمك
هاندمك على كل يوم
كنت فيه كداب وبايع
بكره تغرق ف الهموم
بكره اشوفك وانت ضايع
واوعدك عمري مااسامحك
وارسم الكره في ملامحك
حبي ليك كان زي حلم
قلبي فاق منه ومسحك
بكره يجي وانت تيجي
بس هتلاقي خلاص
لما تبقى تحت ايدي
هاضرب الحب برصاص
اصله كان منك ملاوعة
صعب يرجع تانية اوعا
تفتكر راح اموت عليك
ولا تاني هحس لوعة
اللي جاي بقى كله ليك
غدر نار صنعة ايديك
واللي كان بيدعي لك
بقى خلاص يدعي عليك
بكره يجي
احمد صبري
ليست هناك تعليقات:
إرسال تعليق