اسألوا المجاريح
في الغرام
عن طعم المرار
اللي داقة قلب
اتحرق وبقي. رماد
وطار مع الريح
اسألوا المجاريح
في. الغرام
عن اللي. شرب كاس
الغدر علقم
غير مرار الانكسار
المرار مش بس خيانة
او حبيب سابني وفات
اسألوا حتي الشوارع
اسألوا كمان الحارات
اسألوا كل حتة
كان لينا فيها ذكريات
اسألوا الموت اللي فرق
بين قلوب العاشقين
اسألوا القبر اللي سكنة
قلب عاشق مات حزين
اسألوا صوت السواقي
ايه غيرك للأنين
اسألوا شجر الجميز
ليه ضلك بقي حزين
اسألوا حتي الطيور
اسألوا الشمس والنجوم
اسألوا حتي القمر
هوا صديق العاشقين
اسألوا قلبي اللي حب
ومن فراقك اتحرق
وبقي حبة رماد
وطار مع الريح
وابقوا اسألوا
المجاريح
في الغرام
بقلم
احمد. محمود
من ديوان حبة رتوش
ليست هناك تعليقات:
إرسال تعليق