يااللى دموعك سابقاك
وبتبكى ليل ونهار
بعدين ياعم معاك
استغفر الغفار
مستنى ايه من الناس
هو انت يعني خلاص
لوحدك المحتار
خللى المكنون مكنون
اضحك كفاية جنون
ليه دنيتك غلباك
خلينا فى المضمون
ليه الآية فايتاك
وفى السماء رزقكم
وماتوعدون
ده مش كلامي انا
ده كلام رب الكون
ياعم غلبتنا
كفكف دمع العيون
عن العبيد اتعفف
ولا البعيد مجنون
لو تاخد بالأسباب
تلاقى جرحك طاب
ده بأمره كن فيكون
..... حسنى أمين .....
ليست هناك تعليقات:
إرسال تعليق