من ديوان الأغانى
لهيام الشهاوى
هيجننى
هيجننى خلاص الواد ده هيجننى
ماشى ورايا فى أى مكان
عمال يشاغلنى
ماشى قصادى نده لى وهدا
قرب منى وماسك وردة
فجأه حدفها عليا وعدا
هو ياناس عاوز ايه منى
هيجننى
يابن الناس بطل ملاغية
ماتعش فى دور الحنية
عمال تشاغلنى وتبعت لى
اشارات فى الرايحة وفى الجاية
قال لى يابنتى انت معدية
وجمالك بيأثر فيا
بس قوليلي منين سكتكم
أى طريق بيودى لبتكم
قلت له اهلا بيك ياعنيا
يسعد قلبك ويطمننى
هيجنني
ليست هناك تعليقات:
إرسال تعليق