(خساره)
ياخساره يابنى
أنا كنت ببنى
أتارينى إنى
بنيت لتحت
جايز يا إبنى
أنا هاوى فحت
هو انت يابنى
هربت منى
وأكلت سحت
وللا انت يابنى
ورحمة امى
م الحر سحت
هو انت جيت
وللا انت رحت
أعذرنى مره
يبدو إنك
أخذت جره
محتاجه نحت
من كتر غلبى
خذلنى قلبى
خللانى بحت
يانن عينى
ظلمك لنفسك
وغصب عنك
سقانى مقت
يارتنى يابنى
ما كنت شفت
ولا كنت حتى
ليومها عشت
راجع حسابك
وسك بابك
عللى عدى
مش كل سكه
يا إبنى واضحه
لو إنت تهت
كم من نصايح
بعتهالك
وقولتهالك
وعنها غبت
وياما قلت
وياما عدت
أتاريك يابنى
عكس الطريق
مشيت وسرت
ياريت تقوللى
وبكل صدق
ليه سبت نفسك
وخنت حسك
مش بالمشيئه
لو انت شئت
مكتوب عليك
دا دين وشلته
لازم تسده
فى أى وقت
إرجع لربك
وصفى قلبك
وقوله تبت
نبيل الوردانى
ليست هناك تعليقات:
إرسال تعليق