ابنك بطل .. 
قالولها مات وجابولها صورته قالت مامتش...
قالولها مات وجابولها حاجته متعاصه دم
قالت ماماتش......
جابولها ورقة من بنطلونه حلفها فيها لو مات شهيد تفضل تزغرد وماتصوتش......
فضلت تزغر لحد صوتها ماراح خلاص......
ف الارض طبت وراحت مجتش....
قالولها اصحي ابنك مامتش........
قامت تدور عليه وتنادي فى كل حته ولا حد رد.......
تخش اوضته وعليه تدور ولاشايفه حد.......
فتحت دولابه مسكت هدومه تشم ريحته.......
لاقت هدومه ريحتها ورد.......
اخدت قميصه وقعدت على حرف سريره وعينيها غفلت...
شافت حبيبها بيضمها ويقول لها عاوزاني اموت.....
انا يا ما حي. واللى حي طب امسكيني ،المسيني ،احضنيني......
زى ماحضنك...هاتي ايديكي وصدقيني انا لسه حي
وصدقيني حقي جاي......
انا بس عايزك تكوني صابره وجامده وصامده.......
وهتشوفيني فى اى واحد واقف مكاني..ولسه فى الف غيرى هيموت تاني......
يا امي اللي زيك تفرحي......
ابنك شهيد وعريس الف عروسة فى الجنه يا أمي....... مستنياني... قامت ياعيني م الحلم تجري وتمسك فى بدلتة......
وتقول يا ابنى ضاعت اماني وراحت امالي.......
انا كنت لي حلم..اعيش عمري اللي باقىي بفرحتي........
قام اتعدل وبص فى عينيها وقال....عمر الشهيد مايموت يا أمى بالوجع ........
انا لسه عايش جنب منك وكل كلمه بتتسمع متزعليش ابنك بطل ....
منى محمد
ليست هناك تعليقات:
إرسال تعليق