الشهيد 
شهيد الشهامة شهيد الكرامة
شهيد العروبة شهيد الوطن
بكل المعانى وحروف ألاسامى
انت يا غالى دفعت الثمن
بنفرح يوم شهادتك
ونحكى فى يوم حكايتك
منتا ياغالى شهيد الوطن
بتبكى ليه يا غالية
دموعك والله غالية
يا أم الشهيد
شهيدك شهيد
بتبكى ليه يا أمى
دا إنتى النهارده
ولادوكى من جديد
ويومك والله عيد
كفاية انك إنتى
بقيتى أم الشهيد
شهيدنا يا غالى
مقامك فى العلالى
عايش حياً ترزق
والجنة ليك سكن
شهيد الشهامة شهيد الكرامة
شهيد العروبة شهيد الوطن
بكل المعانى وحروف ألاسامى
انت يا غالى دفعت الثمن
منى العشرى
ليست هناك تعليقات:
إرسال تعليق