( هواك عيشني في جنه ونعيم)
ياللي هواك عيشني في جنه ونعيم
ونسيت معاك كل الويل والليل الأليم
وداويت قلبي بهواك حبيبي لما جيت
وكل سنين الخيال وليالي الحرمان نسيت
انت اللي حبيتك في خيالي وسنين وانت شاغل بالي
بلاش تغيب عني وتعذبني ياغالي
والشوق والحنين ليك ياخدني في ليالي غيابك
كفايه إللي شوفته من ويل في بعادك
ماقدرش أتحمل تاني عذاب فراقك
يامآ طيفك شغلني ايام وطالت بيا ليالي
لحد ماجاني فرحني في منامي وصبرني علي ألآمي
ومن كتر اشواقي وحنيني رسمت صورتك في خيالي
وكنت دايماً شاغلني وشاغل بالي
كنت حاسس بنفسي في حضنك ضامك وضاممني
إيدي في إيديك والتانيه بين خصلات شعرك متوهاني
وابص في عنيك القاها متوهاني
ويآما حلمت باجمع نجوم السما اللي كتبت عليها حروف إسمك
وصنعت تاج زينته بجمالك وحُسنك
خليت القمر حبيبي والسحاب يجيبوا سيرتك
والبدر غار لما شاف ملامحك
ولما جيت حبيبي وجت عيني في حضن عينك
بكيت من فرحتي ودعيت ربي يحفظك ويصونك
هو انت إيه حبيبي قول وطمني
إنسان من بين البشر
ولا ملاك ربي بيه عوضني
خواطر (اشرف الدغيدي )
ليست هناك تعليقات:
إرسال تعليق