حب ابكرامة ... شعبي
بقلمي حسان ألأمين
يالغلاتك بغلات النهر
عند كل بلد
يالمحبتك
محبة الام الي
صارلها اسنين منتظره ولد
سئلوني تحبها
كَلت محبتها بلكَلب
شكبرها واشكَد
لكني من احاچيها تندار
وتصد
كَالوا اتركها
ولا تبقى عليها
كلت خل اتعب بحبها
فمن جد وجد
عسى انها تحس ابناري
وتطفيها
وتجيني وانحط
خد على الخد
يا خوتي كَويه عيونها
وما تنكسر
ولو ان روحها تنازلت
طبع الي بيها يتمرد
اهجع يا كَلبي
واسكن ولا تتهور
لا تطخ راسك
ولازم تحط اله حد
الي تركض ورا المال
ما تحب بالدنيه احد
و شما نزلت نفسك
هي تتكبر
وچوياتك تظل تسعر
وما تبرد
وتبقى بعيونها
انت الصغير
وتصير بحكم دكتاتور
وبحكمها اعليك تتفرد
نصيحه الك
عيش ابكرامه
وابـ غير الكرامه
ما طوّل بالمحبة احد
ولا ترجع وتظل ندمان
اكتم حبك بالكَلب
وأقتنع
عسى وضعها
وياك يتغيير
و يتجدد
بقلمي حسان ألأمين
اشكَد = كم . الكَلب= القلب كَوية = قوية
ليست هناك تعليقات:
إرسال تعليق