=طقوس الحب فى (7 مارس ) صفحة 12= =
كل يوم شوقى بيسجد
يفرد السجاجيد قدام عينيك ويعبد
طهر يغسل احزانه فيسعد
كلنا فى الحب نحلم
ان شوقنا يصير عباده
ان نكتب اجملها ذكرى اوشهاده
حتى لو موتنا او نعيش
الموت فى الحب شهاده
بس ليه لما التقينا سرقوا منا السعاده
اتغيرت مدارتنا حياتنا
كل واحد صار له قبله
تهنا من جوا وبرا
شكل دنيانا مقلوب زياده
اللى كان مألوف وعاده
صار غريب جوانا يتعب
السما ما عادتش تضوى
ولا الشجر وروده تشفى
البحار صارت معانده
موجها عالى وشطوطها شارده
حتى نبضى البرىء
بعد منك ما قام وصلى
والحلم من غير الحصان
صار فراغ
والفرح قدم ميت بلاغ
كنت اسأل ازاى ملاك يعشق بشر
ويدوب فى حبه بجنون
ويتمنى من صيفه مطر
يزرع جنا ين شوقنا شجر
قيراط طهارة وقيراط حنان
وقيراط محبة وزهر
تعرفى كل لحظة فى حبنا
كانت نغم
رقصت قلوبنا وعملنا م الاحلام وتر
رعشتك وقت اللقا كات وطن
ترسم حدودى فى عينيكى
وتعمل مدن
تعرفى قبل حبك بنبضتين
ما كان ليه سكن
ولا كان لقلبى ونيس الا السهر
اصل عينيكى واصلين يصدوا الخطر
يقلبوا الموازين ويرفعوا رايات القمر
عيونك دولة تحكم تتحدى القدر
عيون شقية وساعات عفية
نتوه جواها فى اى امسيه
========================
ليست هناك تعليقات:
إرسال تعليق