طريق طويل معاكي يا دنيا ....
بحر كله دوامات......
طريق طويل ....
وكل جرح أقوى من اللى فات .......
والباقى من صراعى ويا رحلة الزمان ....
البوم صور كبير.....
وناس كتير....
وذكريات فيها الحلو.... وفيها اللى أمر من الصبار.......
وصور كتير لي فيها... صورة بنضحك...
وصورة نبكى فيها...
وكمان لنا معاها حكايات وأحنا لسه صغيرين .....
وصوره قبل ماالأحلام تدوبها السنين .....
وأهوه لسه مازلنا عايشين ....
موجود بوسط ألبومي.
صور لأحباب فاتونى...
وصوره لأحباب نسيوا عهدهم لى وباعونى....
وأهي دنيا وعايشنها ..
وكل يوم ألبومي يمتليء بالصور.....
.....بقلم....
..منى محمد...
ليست هناك تعليقات:
إرسال تعليق