عالم الطفوله
---------------------------
خيرونى ف وقت اعيشه
من زمانى اللى مضى
قلت اعيش أحلى زمانى
زمان جماله له صدى
كل لحظه فيه معانى
معانى جمال راح وانقضى
كانت الدنيا براح
والكون علينا كان فضا
كل شيئ فيها بسماح
والحياه غنوه مقبوله
أحلى عهدي ونفسى أعيشه
عهد أيام الطفوله
قلب صافى وصفحه بيضه
فى الحنان واخد بطوله
البرائه والسماحه
ضحكه صافيه جوه صوره
كنت بفرح لو جابولى
مريله لسنه أولى
وشنطه فيها كام كتاب
والجزمه معموله عموله
وأمي لما تروح معايا
وتشيل الشنطه عني
كات تقولى دى حموله
كنت بفرح بالهدايا
وازعل لما يغيب ابويا
كل آمالي بسيطه
وكل طلباتى عبيطه
قلبي يرقص فى أى زيطه
الله على جمال الطفوله
*عاطف صلاح*
ليست هناك تعليقات:
إرسال تعليق