صمت الخوف .......................بقلم .. صبري رسلان

صمت الخوف
.......................
كان نفسي أخبيك
جوا قلبي فيه أمااااان
بيدق خايف كله خوف
ما الخوف كمااااان
خايفه لا قادره أمنعه
يا ريت ما غيرنا يسمعه
جوايا ساكن نبض روح
شبحه اللي عايش عالجروح
بلاش تشوفني كلي خوف
وصوتي محبوس بالحروف
ودموع عيون عاجزه تبوح
كان نفسي تتربى في زمان
ترضع حنان ترضع أمان
تكبر تعمر في المكان
تزرع سلام تملاه كمان
دلوقتي عايشين عالدمار
أنفاسنا حاضنه الإحتضار
مع كل يوم أصوات مرار
لا عاد فيه ضله
لا عاد فيه دار
نتمنى نحلم بالنهار
وشمس تيجي بالعمار
كان نفسي أخبيك
ورا الف دار
مش نص حيط
في حطام جدار
ملناش وكيل ولا لينا دار
غير حسبي ربي ستره منار
ستار كريم ستره عمار ..
كان نفسي أصرخ جوايا نار
بقلم .. صبري رسلان

أعجبني

تعليقمشاركة

التعليقات

اكتب تعليقًا...