ناس .. وناس.. بقلم .. محمد طلعت

فى عز الزحمه وقت سكوت
وناس تعبانه لقمتها وناس بتموت
وعيل ماسك ايد أمه ومستنى لقطر يفوت
وقالوا سرطان سكن جسمه وقل القوت
وأمه بتبكى يا ولاداه!!!
دموعها بس من غير صوت
ومين يسمع لشكوتها غير الله!!
منجى نبيه فى بطن الحوت
وناس فى تتفرج
وناس واقفه وبتهرج
وناس واقفه بتدعى يارب ناقصنا القوت
وناس تفكيرها شاغلها وطافحه الكوت
وناس كل اللى شاغلها فين نسهر وفين ناكل
ومش خايفه يا ناس م الموت
ودنيا وكل سايبها بأفراحها وبعيبها
يارب ارزقنا حسن ختام
دعوه بقلبى وبقولها ومن غير صوت
فى عز الزحمه وقت سكوت
وناس لقمتها بترميها ومش عاجبه
وناس مش لاقيه رغيف العيش وناس بتموت
محمد طلعت

أعجبني

تعليقمشاركة

التعليقات

اكتب تعليقًا...