كنت فاكر ...! بقلم .. سمير محمود

كنت فاكرك شىء جميل
شىء يداوي جراح وويل
...........
كنت فاكرك حلم اخضر
كان ف بالي وفيه بفكر
حلم غالي ويمكن اكتر
ولأمالي كان دليل
..........
كنت فاكرك زي شكلك
صافية خالية من مشاكلك
عارفة مين اللي فرشلك
ومين ف حبه كان بخيل
..........
كنت فاكر ان قلبك كان حنون
وان دمعك فوق خدودك مش ظنون
وان حبي جوه منك حب فاق حد الجنون
وان قلبك مش هيقدر يوم يميل
..........
كنت فاكرك بس اسف انخدعت
و اكتشفتك بعد ايه؟بعد اما ضعت!
لمي شنطك وارحلي معادش وقت
هصلي وادعي ربنا القى البديل
#سميرمحمود

٢